माझं माझ्या मनाशी ...

माझं माझ्या मनाशी ...

हल्ली वाद चालतो तुझ्यावरून

त्या बहाण्यानी तुझ्या बद्दल

आम्ही दोघे बोलून घेतो भरभरून.

- चंद्रशेखर गोखले

Marathi Kavita Blog मराठी कविता ब्लॉग

झोप येत नसेल तर... 

अुरलेली रात्र माझ्याकडे पाठव

प्रत्येक गोष्ट कशी आपण वाटून घेतो

हे जरा स्वता:शी आठव.

-चंद्रशेखर गोखले 

Marathi Kavita Blog मराठी कविता ब्लॉग

तू माझ असणं
किती छान आहे,
नाहीतर हे जग म्हणजे
नुसता माणसांच रान आहे.

- #चंद्रशेखर_गोखले

तुला आठवताना... चंद्रशेखर गोखले

तुला आठवताना एक
प्रश्न पडतो मनाला
इतकं स्पष्ट कधी काही
आठवतं का कुणाला...

- चंद्रशेखर गोखले

मी अजून ही रमतो ... - चंद्रशेखर गोखले

मी अजून ही रमतो
आपली शेवटची भेट आठवण्यात
काय आसुरी आनंद आहे कळत नाही
मधाचं पोळं उठवण्यात.
- चंद्रशेखर गोखले

वाटसरू - चंद्रशेखर गोखले

वाटसरू - चंद्रशेखर गोखले 

निथळत राहणारा परीसर
माझ्या खिडकितून दिसतो
पण एकही वाटसरू
सुन्या रस्त्यावर नसतो.
- चंद्रशेखर गोखले

भेटण्या पेक्षाही

भेटण्या पेक्षाही
तू दिसण्याचा आनंद मोठा
त्यात माझा निर्वीकार असण्याचा
आव खोटा.. .
-चंद्रशेखर गोखले

पावसाचं एक गुपित

पावसाचं एक गुपित
सगळ्या ना नाही माहित
तो अक्षरांची ओंजळ टाकतो
प्रत्येक कविच्या वहीत...
- चंद्रशेखर गोखले

तू गेल्यावर - चंद्रशेखर गोखले

तू गेल्यावर जाणवलं
आता तुझ्याशिवाय जगायचं
तेंव्हा तुझेच शब्द आठवले
..."आणि शहाण्या सारखं वागायचं "
- चंद्रशेखर गोखले

मी तुझं व्हायचं तर - चंद्रशेखर गोखले

मी तुझं व्हायचं तर
तुलाही माझं व्हायला हवं
हे ही खरं कुणाचं होअून जाणं
मनापासून यायला हवं..
- चंद्रशेखर गोखले

भेट

आपण आपला मार्ग निवडतो ?
 की रस्तेच आपल्याला येउन गाठतात....
कारण रस्ता चुकलेले कितीतरी जण
आपल्याला पावलो पावली भेटतात !
- चंद्रशेखर गोखले

भर

अुगवत्या पाहटेला
पावसाची सर
अन् त्यात तू नुकती
नाहून आल्याची भर

- चंद्रशेखर गोखले

तेव्हा - चंद्रशेखर गोखले

तेव्हा कसं ना आपण

एकमेकाला जपायचो !

मला वाटतं,

जपण्यापेक्षा आपण

तेव्हा एकमेकांपासून तपायचा!

- चंद्रशेखर गोखले

तुझं नाव

काय काय गमावलं या यादीत
तुझं नाव पहिलं आहे
नंतर यादी वाढत गेली... पण
तुझं नाव तिथेच राहीलं आहे.
~ चंद्रशेखर गोखले

झोप येत नसेल तर... -चंद्रशेखर गोखले

झोप येत नसेल तर...
उरलेली रात्र माझ्याकडे पाठव
प्रत्येक गोष्ट कशी आपण वाटून घेतो
हे जरा स्वता:शी आठव.
-चंद्रशेखर गोखले

डोळे भरून आले की..

डोळे भरून आले की..
तुझं रूप कसं दिसायला लागतं
छे! ते दिसण्यासाठी डोळ्यातलं पाणी
हलक्या हातानी कोणी पुसायला लागतं

- चंद्रशेखर गोखले

माझ्यासारखच तिचंही होतं

माझ्यासारखच
तिचंही होतं
गप्पा रंगात आलेल्या असताना
समोर घर येतं
- ‪#‎चंद्रशेखर_गोखले‬

Tujhya Sobat... तुझ्या सोबत

तु समोर असलीस की 
नुसतच तुला बघण होत 
आणि तू जवळ नसतांना 
तुझ्या सोबत जगण होत 
~ चंद्रशेखर गोखले

एक निरंतर प्रवास

एक निरंतर प्रवास सुरु होतो
माझ्याकडून माझ्याकडे
आणि तुला वाटतं मी निघालो
पाठ फिरवून तुझ्याकडे.

~ चंद्रशेखर गोखले

ओझं

फुलाच्या पाकळीला
थेंबाचं ओझं
मी तुझ्याकडे पाहिलं की
तसं होतं तुझं....
~ चंद्रशेखर गोखले