माझं माझ्या मनाशी ...

माझं माझ्या मनाशी ...

हल्ली वाद चालतो तुझ्यावरून

त्या बहाण्यानी तुझ्या बद्दल

आम्ही दोघे बोलून घेतो भरभरून.

- चंद्रशेखर गोखले

Marathi Kavita Blog मराठी कविता ब्लॉग

झोप येत नसेल तर... 

अुरलेली रात्र माझ्याकडे पाठव

प्रत्येक गोष्ट कशी आपण वाटून घेतो

हे जरा स्वता:शी आठव.

-चंद्रशेखर गोखले 

Dagina.. दागिना

Rose Day रोज डे

Vaate Manas वाटे मनास

Vaate Manas वाटे मनास  

Kadhhi Na Visarta Yenari Manasa

Khup Divsani...

आठवणी...

आठवणी

नकळत सारे घडले

कळा अंतरीच्या सुखवुनी गेल्या

मागे वळता पाऊल अडले

निरोप घेता मन गहिवरले

सुख तू मजला दिले

मिठीत तुझ्या मि न्हाऊन गेले

दिवस सरता सरले

प्रत्येक भेटीत नव-नव ते गवसले

प्रेमात सुख मज उमगले

आठवणीचे नवं भंडार उघडले

हृदयाच्या कप्प्यात विसवले

कधी न विसरण्यासाठी मी अनुभवले

- प्रविण हटकर

माझ्या, तुझ्या, सर्वांच्या स्वप्नातलं ... एक घर...

माझ्या, तुझ्या, सर्वांच्या स्वप्नातलं ... एक घर...

एक घर दगडांचं
जुन्या कोरिव विटांचं
सोप्याचं अन् पडवीचं
बहरलेल्या अंगणाचं
दारापुढल्या तुळशीचं
घडवंचीवरच्या कळशीचं
एक घर…

एक घर माणसांचं
दादाच्या खट्याळ हसण्याचं
ताईच्या खोट्या रुसण्याचं
आजोबांच्या कडक शिस्तीचं
आजीच्या गोड गोष्टींचं
आईच्या अथांग मायेचं
बाबांच्या खंबीर छायेचं
एक घर…

कवी - अज्ञात

सांज सकाळी कातरवेळी येतात नेहमी तुझ्या आठवणी

सांज सकाळी कातरवेळी
 येतात नेहमी तुझ्या आठवणी आठवणी
 त्या मन करतात उदास
 तेव्हा खरंच हवा असतो हळवा स्पर्श तुझाच
 -मनीषा 

आणि कमी आहे फक्त तुझी

मुसळधार कोसळणारा पाऊस
सोबत दर्द रफीजींच्या आवाजातला
आणि कमी आहे फक्त तुझी

रिमझिम बरसणाऱ्या निवांत धारा
खमंग भजी चहा बशीतला
आणि कमी आहे फक्त तुझी


कडाडणाऱ्या विजा सोसाट्याचा वारा
समोर तरळणारा प्रसंग आठवणीतला
आणि कमी आहे फक्त तुझी

छतावरून गळणारे टप टप थेंब
ओघळणारा कण कण माझ्या डोळ्यातला
आणि कमी आहे फक्त तुझी

प्रज्ञा रायकर जोशी

लँडस्केप...

लँडस्केप...

शाळेतली एक आठवण

शाळेतली एक आठवण

तसे भेटणे ना पुन्हा व्हायचे. .

तसे भेटणे ना पुन्हा व्हायचे. .

उन्हे गात होती जरी त्याक्षणी
तश्यातच मला भेटलेली कुणी 
जरा सावळीशी तनू लाजरी
किती बोलली फक्त नजरेतुनी…

तिचे पास येणे जरी थोडके
जसे सोबती अंतराचे धुके
असा हरवलो त्या क्षणातून मी
तिला पाहतानाच स्पंदन चुके…

तिचा हाती हाती तरी घेतला
खुळा स्पर्श झाला शहा-यातला
उन्हे पेटली भर दुपारी तरी,
इथे मात्र हा गारवा वाढला...

तशी वेळ ती फक्त दोघातली
म्हणूनच मिठीला मिठी मारली
तिच्या बाहुपाशी असा गुंतलो
जणू गाठ रेशिम कुणी बांधली…

फुले श्वास, रोमांच देहावरी
तरी सोडवेना मिठी भरजरी
जरी या क्षणा आठवू पाहतो
तरी आठवे ती मला लाजरी...

खुले केस पाठीवरी सोडूनी
मला भासली ती जणू कामिनी
तिच्या धुंद गंधात गंधाळता
इथे दरवळे भेट हृदयातुनी. .

अधर स्पर्शता लाजली बावरी
"नको ना, नको ना" उगी बोलली
तिचे लाजणे जीवघेणे असे
नकारातही हाय ती हासली. . .

किती शांत एकांत द्यावा तिने
जिच्या सोबती मोहरावी क्षणे
अता फक्त आठव मला यायचे
तसे भेटणे ना पुन्हा व्हायचे…

पूजा भडांगे

स्पर्श

स्पर्श

हुबेहूब हे चित्र तुझे तरी
काय कमी न त्यांत कळे?
ओठ गुलाबी, गहिरे डोळे
त्यांत परी ना तूच कुठे!

हुबेहूब हे शिल्प तुझे तरी
काय कमी न त्यांत कळे?
हसरा चेहरा, सुडौल बांधा
त्यांत परी ना तूच कुठे!

घेता हात हातांत तुझा मी
कळले मज ते काय उणे
हुबेहूब हे चित्र, शिल्प तरी
स्पर्श, गंध त्यां तुझा कुठे?

निरभ्र आकाश, झरे खळाळते
चंद्र तूच अन तूच चांदणे
उमलते फुल, तान मधुर
पहाट तूच अन तूच धुके

आकाश, धुके हे चंद्र, चांदणे
फुल, तान जरी रूप तुझे
पहाट धुक्यापरी सर्व हि खोटे
कारण.........

स्पर्श, गंध त्यां तुझा कुठे?

- केदार

भास

भास

तू जवळ नसलीस म्हणून काय झालं,

आपल्या सोनेरी क्षणांना मी मनात जपतो !

भूतकाळातल्या आठवणीत रममाण होतो,

निसर्गातल्या सुंदरतेत तुझाच भास होतो !!

पक्षांची किलबिल कानाला गोडवा देते,

जणू मंजुळ आवाजात तू मला बोलावतेस !

नदीचा खळाळता प्रवाह धुंद करतो,

तुझ्या मधुर हसण्याचा आभास देतो !

पहाट गारव्याचा मंद वारा शहारतो,

तू प्रेमाने स्पर्शून गेल्याचा भास होतो !

सूर्याची कोवळी किरणे सर्वदूर पसरतात,

तुझ्या ऊबदार प्रेमाची चाहुल देतात !

पावसाची संततधार मला मंत्रमुग्ध करते,

तुझ्या मायेच्या ओलाव्याची जाणीव होते !

सागरात फेसाळणा-या लाटांवर मी आरूढ होतो,

तुझ्या अवखळ स्वभावाची तो साक्ष देतो !

तू जवळ नसलीस म्हणून काय झालं,

आपल्या सोनेरी क्षणांना मी मनात जपतो !

भूतकाळातल्या आठवणीत रममाण होतो,

निसर्गातल्या सुंदरतेत तुझाच भास होतो !!

निसर्गातल्या सुंदरतेत तुझाच भास होतो !!

विजय जोशी

सांज सकाळी कातरकाळी

सांज सकाळी कातरकाळी
येतात नेहमी तुझ्याच आठवणी
आठवणी त्या मन करतात उदास
तेव्हा खरच हवा असतो हलवा स्पर्श तुझाच
- मनीषा

आठवतंय ....

आठवतंय ....

आठवतंय सगळं आठवतंय
लहानपणी माझ्या तोंडातली
ती बोबडी भाषा आणि
त्यावरून घरात पिकणारा हशा

तुम्ही बाहेर जाताना
मला नाही म्हणण
पण थोडा रडल्यावर मात्र
मला घेऊनच बाहेर पडणं

दिवाळीच्या दिवसात
माझं फटक्यांना घाबरणं
आणि मग तुमचं
इतरांवर ओरडणं

कोणी नसताना तुमचं
माझ्या बरोबर खेळणं
संध्याकाळी माझ्यासाठी
बागेत येऊन बागडणं

पण , एकदिवस तुम्ही
आमच्यातून गेलात निघून
तुम्हाला शोधता शोधता
मी मात्र गेलो पार थकून

आई म्हणाली आता तुम्ही
कधीच नाही येणार
मीही म्हणालो माझे आजोबा
मला कधीच नाही सोडणार

आजही मला प्रत्येक
क्षण स्पष्ट आठवतोय
तुमच्या त्या चादरीची
उबदार माया आजही अनुभवतोय

आता मी नीडर झालोय
फक्त एकदा पाहून जा
प्रत्यक्षात नाही जमणार
पण, स्वप्नात तरी भेटून जा !!!

तिची एक आठवण..अगदी तिच्यासारखी

तिची एक आठवण..अगदी तिच्यासारखी
एका अबोल सांजवेळेत रमणारी
आयुष्यातले रंग मुक्त उधळीत
मनाच्या क्षितिजावर मालवत जाणारी......तिची एक आठवण

तिची एक आठवण..अगदी तिच्यासारखी
अवचित मला एकाकी गाठणारी
आवेगाच्या धुक्यात मला लपेटून
भुतकाळाच्या दरीत खोल उतरणारी.........तिची एक आठवण

तिची एक आठवण..अगदी तिच्यासारखी
अवखळ अल्लड सरींनी सजणारी
सारा आसमंत भिजवून जाताना
पाऊलखुणा नजरेत साठवून जाणारी........तिची एक आठवण

तिची एक आठवण..अगदी तिच्यासारखी
बंद मुठीतल्या चंचल वाळुपरी
लाख अडवून धरले तरी
निर्विकारपणे अलगद निसटत जाणारी........तिची एक आठवण

-एक एकटा एकटाच

खूपदा तुझ्या आठवणी

खूपदा तुझ्या आठवणी
पावलं न वाजवता येतात
आणि जाताना माझ्या मनाला
पावलं जोडून जातात
-चंद्रशेखर गोखले