Showing posts with label Kusumagraj. Show all posts
Showing posts with label Kusumagraj. Show all posts

Friday, February 28, 2020

गवताचं पातं - कुसुमाग्रज Gavtacha Pata Kusumagraj

गवताचं पातं -  कुसुमाग्रज 

गवताचं पातं वार्‍यावर डोलतं,
डोलतांना म्हणतं खेळायला चला

झर्‍यातलं पाणी खळा-खळा हसतं,
हसताना म्हणतं खेळायला चला

निळं निळं पाखरू आंब्यावर गातं
गाताना म्हणतं नाचायला चला

झिम्मड पावसात गारांची बरसात,
बरसात म्हणते वेचायला चला

छोटासा मोती लपाछपी खेळतो,
धावतांना म्हणतो शिवायला चला

मनीचं पिल्लू पायाशी लोळतं,
लोळतांना म्हणतं जेवायला चला
अहो, जेवायला चला
तुम्ही जेवायला चला

#कुसुमाग्रज 

Thursday, February 27, 2020

Monday, January 11, 2016

नाते

नाते
नात्यास नाव अपुल्या देऊ नकोस काही
साऱ्याच चांदण्यांची जगतास जाण नाही

ना ताल राग यांच्या बंधात बांधलेला
स्वर मेघ मंजुळाचा बरसे दिशांत दाही

गावातल्या दिव्यांना पथ तो कसा पुसावा
मंजिल की जयाची तारांगणात नाही
-कुसुमाग्रज

Tuesday, May 26, 2015

मौन

मौन

शिणलेल्या झाडापाशी
कोकिळा आली
म्हणाली, गाणं गाऊ का ?
झाड बोललं नाही
कोकिळा उडून गेली.

शिणलेल्या झाडापाशी
सुग्रण आली
म्हणाली, घरटं बांधु का ?
झाड बोललं नाही
सुग्रण निघून गेली.

शिणलेल्या झाडापाशी
चंद्रकोर आली
म्हणाली, जाळीत लपु का ?
झाड बोललं नाही
चंद्रकोर मार्गस्थ झाली.

शिणलेल्या झाडापाशी
बिजली आली
म्हणाली, मिठीत येऊ का ?
झाडाचं मौन सुटलं
अंगाअंगातुन
होकारांच तुफान उठलं.

– मुक्तायन, कुसुमाग्रज

Tuesday, February 28, 2012

Majhya Marathi Maticha Lallati Lava Tila...

Majhya Marathi Maticha Lallati Lava Tila...
माझ्या मराठी मातीचा लल्लाटी लावा तिळा...

Monday, February 27, 2012

मराठी भाषा दिनाच्या सर्वांना हार्दिक शुभेच्या!

मराठी भाषा दिनाच्या सर्वांना हार्दिक शुभेच्या!
मराठी भाषादिना निमित्त थोडासा विचार :-