Google+ September 2015 ~ Marathi Kavita Blog
नमस्कार मित्रांनो,
मराठी कविता ब्लोग मध्ये आपल्या सर्वांचे स्वागत !!!!

लिंबू मिरची

Wednesday, September 30, 2015 / Posted by piyush tayade / comments (1)

लिंबू मिरची

ज्या काळात वाहनांचा शोध लागला नव्हता त्या काळात लोक बैल गाडीतून प्रवास करीत असत. मैलो मैलाच्या ह्या प्रवासात बैलगाडीला लिंबू , मिरची , बिब्बा हा एका टोकदार तारेत ओवून गाडीच्या अश्या भागात बांधत की तो लगेच लोकांचा निदर्शनात पडेल. किंवा प्रत्येक घराच्या बाहेर हे टांगले जात असे जेणे करून घरासमोरून जाणार्या वाटसरूना तो लगेच मिळेल .
पण हे का?
असा प्रश्न आता तुम्हालाही पडला असेल.
ह्याचे उत्तर असे आहे कि मैलोन मैल चालत असताना माणसाला तहान लागल्यास पाणी उपलब्ध न झाल्यास लिंबू तोंडात पिळून तोंडात लाळ निर्माण करण्यात येते ज्या मुळे माणसाची तहान तात्पुरती क्षमावता येवू शकते.
त्या काळी साप नाग यांचा वावर फार मोठा होता, म्हणून चालत जाताना एखादा साप चावल्यास त्याला मिरची खायला देत जेणे करून हा साप विषारी होता कि बिनविषारी ह्याची माहित मिळे.
जर साप चावला असताना मिरची तिखट लागली तर साप बिनविषारी होता आणि तिखट नाही लागली कि साप हा विषारी होता. असा अंदाज बांधला जात
. बिब्बा हा उत्कृष्ट एंटीबायोटीक समजला जातो म्हणून जखम झाल्यास , कापल्यास बिब्बा लावला जात , आणि हे सगळे एका टोकदार तारेत ओवले जात जी तार पायातला काटा काढण्यास उपयोगात येई. अश्या प्रकारे हा प्रथोमपचार बैल गाडीवर , घराच्या दर्शनी भागात लावला जात कारण त्याचा उपयोग प्रथमोपचारा साठी लावला जात.
पुढे वाहने आली आणि हा प्रथमोपचार एक अंधश्रद्धा बनून अजून ही चालू आहे.
ह्या प्रथमोपचारपद्धतीची कशी अंधश्रद्धा झाली ह्याची माहिती पोहोचावी हा एकच उद्देश….!

StumpleUpon Ma.gnolia DiggIt! Del.icio.us Blinklist Yahoo Furl Technorati Simpy Spurl Reddit Google Twitter

Labels:

मातीत ज्यांचे जन्म मळले त्यांना थोडे उचलून घ्यावे

Tuesday, September 29, 2015 / Posted by piyush tayade / comments (0)

ज्यांची बाग फुलून आली,
त्यांनी दोन फुले द्यावीत
ज्यांचे सूर जुळून आले,
त्यांनी दोन गाणी द्यावीत ll१ ll

सूर्यकुलाशी ज्यांचे नाते,
त्यांनी थोडा उजेड द्यावा
युगायुगांचा अंधार जेथे,
पहाटेचा गाव न्यावा ll २ll

ज्यांच्या अंगणी ढग झुकले,
त्यांनी ओंजळपाणी द्यावे
आपले श्रीमंत हृदय त्यांनी,
रिते करुन भरुन घ्यावे ll ३ll

आभाळाएवढी ज्यांची उंची,
त्यांनी थोडेसे खाली यावे
मातीत ज्यांचे जन्म मळले
त्यांना थोडे उचलून घ्यावे ll ४ ll

- गणेश (दत्ता) तात्याराव हलसगीकर

StumpleUpon Ma.gnolia DiggIt! Del.icio.us Blinklist Yahoo Furl Technorati Simpy Spurl Reddit Google Twitter

Labels:

भारतरत्न "लता मंगेशकर" यांचा जन्मदिन.

Monday, September 28, 2015 / Posted by piyush tayade / comments (0)

२८ सप्टेंबर १९२९ -
स्वरसम्राज्ञी, गानकोकीळा, भारतरत्न "लता मंगेशकर" यांचा जन्मदिन.
मराठी कविता ब्लोग तर्फे लता दीदींना वाढदिवसाच्या हार्दिक शुभेच्छा ...

StumpleUpon Ma.gnolia DiggIt! Del.icio.us Blinklist Yahoo Furl Technorati Simpy Spurl Reddit Google Twitter

Labels: ,

नातं आणि गाणं …

Friday, September 25, 2015 / Posted by piyush tayade / comments (0)

नातं आणि गाणं …

StumpleUpon Ma.gnolia DiggIt! Del.icio.us Blinklist Yahoo Furl Technorati Simpy Spurl Reddit Google Twitter

Labels: ,

काही राहून जावं....

Thursday, September 24, 2015 / Posted by piyush tayade / comments (0)

काही राहून जावं
निघताना
तसं तुझ्या डोळ्यात दिसतं
बघताना ...
~चंद्रशेखर गोखले

StumpleUpon Ma.gnolia DiggIt! Del.icio.us Blinklist Yahoo Furl Technorati Simpy Spurl Reddit Google Twitter

Labels: , , ,

मोदक:-

Wednesday, September 23, 2015 / Posted by piyush tayade / comments (0)


मोदक:-
मोद म्हणजे आनंद, क म्हणजे कर्म. कर्माच्या सारणामधये आनंदाच्या पाच पाकळ्या टाकतात म्हणून मोदक पाच पाकळ्यांचा बनवतात.
पाच कळ्या म्हणजे ज्ञानाची साधने : अभ्यास, मनन, चिंतन, अवलोकन, आकलन हे मिळुन कर्माच्या सारणामधुन जो आनंद मिळतो तो मोदक.
मंगलमुर्ती मोरया.........

StumpleUpon Ma.gnolia DiggIt! Del.icio.us Blinklist Yahoo Furl Technorati Simpy Spurl Reddit Google Twitter

Labels: ,

तूच माझ्या कुटुंबाची ‘डायरेक्टर’!तूच माझ्या कुटुंबाची ‘डायरेक्टर’!

Wednesday, September 23, 2015 / Posted by piyush tayade / comments (0)

तूच माझ्या कुटुंबाची ‘डायरेक्टर’!तूच माझ्या कुटुंबाची ‘डायरेक्टर’!
फोटो शेअर करा
avinash.mahajan@timesgroup.com
नागपूर : घराचा गाडा हाकण्यासाठी मला असलेली तुझी साथ...मी वेळेवर ऑफिसमध्ये पोहोचावे...माझे आरोग्य चांगले राहावे...माझ्या आवडी निवडी जपण्यापासून ते माझ्या जेवणातील योग्य 'मेन्यू' ची काळजी तू घेतेस. खऱ्या अर्थाने तूच माझ्या आयुष्याची 'डायरेक्टर' आहेस, अशी कृतज्ञता तुम्ही तुमच्या पत्नीजवळ अलीकडे व्यक्त केली नसेल तर आज ती व्यक्त करण्याची सुवर्ण संधी आहे. कारण आज आहे...वाइफ अॅप्रीसिएशन डे !
सप्टेंबर महिन्याच्या तिसऱ्या रविवारी हा दिवस जगभरात साजरा होतो. 'मदर डे'ला आई म्हणून तिचे कौतुक होत असेल, मॅरेज अॅनिव्हर्सरिलाही तुम्ही प्रेमाचे दोन शब्द बोलतच असाल पण खास पत्नी म्हणून घराचे घरपण सांभाळल्याबद्दल तिच्याप्रती कृतज्ञता व्यक्त करण्याची ही सुवर्णसंधी सोडू नका. शेजारून आलेली भाजी कितीही 'टेस्टी' वाटत असली तरी आज घरच्या भाजीचीच स्तुती करा. वास्तवात केवळ पत्नीच नाही तर आई, मैत्रीण, प्रेयसी, अशा किती तरी वेगवेगळ्या भूमिका तेवढ्याच जबाबदारीने पार पाडणाऱ्या आपल्या सहचारिणीशी दोन गोड शब्द बोला. भावना शेअर करा... आर्थिक तंगीच्या दिवसातील तिच्या मॅनेजमेन्टचे, कोणत्याही तासांचे बंधन न पाळता रात्रंदिवस केवळ कुटुंबासाठी अविरत राबणाऱ्या पत्नीचे थोडे तरी कौतुक करा... बघा वर्षभर तरी तुम्हाला आनंदाच्या अनेक रिटर्न गिफ्ट मिळाल्यावाचून राहणार नाहीत.
आनंद बहार...
पत्नी, सहचारिणी, अर्धांगिणी असे कितीही आवडीची बिरूदे लावा... लाडाच्या नावानेही हाका माराच पण तिच्यासाठी एक फूल, तिला आवडणारे चॉकलेट, एखादा बुके, साडी आणखी काहीही जे तुम्ही तिला देऊ इच्छित असाल ते गिफ्ट द्या ! राहिले गिफ्ट केवळ माझ्या यशाची 'गाथा' ही तुझ्याविना अपूर्ण आहे,एवढेच म्हणा.. बघा घरातील आनंद द्विगुणीत होईल !

StumpleUpon Ma.gnolia DiggIt! Del.icio.us Blinklist Yahoo Furl Technorati Simpy Spurl Reddit Google Twitter

Labels: ,

"दुःख हर्ता "

Friday, September 18, 2015 / Posted by piyush tayade / comments (0)

"दुःख हर्ता "
का बाप्पा रुसला ह्या वर्षी
शेतकरी झाला दुःखी
पिक पाणी नाय हाती
कशे राहू आम्ही सुखी

तुझ्या आगमनाची तयारी
स्वागताची तयारी
केली खरी साऱ्यांनी
पण मन खचलंय कुठेतरी

तुझ्या भक्तीत काय कसर
आम्ही करणार नाय
आमच्या उदास मनाचा कोपरा
का तुला दिसत नाय

तुझ्यासाठी सगळे नियम
इकोफ्रेंडली मूर्ती वगैरे
विसर्जनाची आटोपशीर सोय
सारे काही आम्ही करू बरे

निरोप घेतांना मात्र बाप्पा
एक वचन दे भक्ती करांत
समतोल ठेव गरीब श्रीमंतात
खरे भक्त तुझे गरीबात असतात

- सुरेखा मालवणकर

StumpleUpon Ma.gnolia DiggIt! Del.icio.us Blinklist Yahoo Furl Technorati Simpy Spurl Reddit Google Twitter

Labels: ,

काळ चक्र

Friday, September 04, 2015 / Posted by piyush tayade / comments (0)

कितीही आपटा, इथच फेडायचं आहे
मित्रानो तुमच जर कोणी वाईट केले असेल आणि तुमी त्याच काहीच करू शकत नाही ? काळजी नका करू निसर्गाच्या नियमावर विश्वास ठेवा.
तो नियम म्हणजे “सर्कल कंपलिट होता हे”.
हा नियम एक उत्तम उदाहरण देऊन सांगतो … ऐका …
काय असते एक असतो उद्योगपती, सकाळी घाई गडबडीत तो घराच्या बाहेर निघतो गाडीचे दार उघडतो आणि दार उघडता उघडता गाडीखाली एक कुत्र बसलेलं असत त्याच्या पायावर याचा पाय पडतो, आणि ते कुत्र त्याला जोरात चावतो. असला भयंकर त्याला राग येतो १०-१२ दगड उचलून तो त्याला मारण्याचा प्रयत्न करतो पण त्या कुत्र्याला एकही दगड लागत नाही , ते जात पळून.
मग हा उद्योगपती रागा-रागात ऑफीस मध्ये जातो आणि सगळ्या म्यानेजर लोकांची मिटींग बोलावतो आणि त्या कुत्र्याचा राग त्यांच्यावर काढतो. मग म्यानेजर लोकं ही पिसाळतात उगाच काही कारण नसताना बॉस ने शिव्या घातल्या. मग ते म्यानेजर लोकं त्यांच्या खालच्या लोकांवर जाळ काढतात … मग अस करत करत ती सायकल पिऊन (नोकर) पर्यंत येते.
आता पिऊनच्या खाली कोणच नसते ना ऑफिस मधून मग तो जरा पिऊन घरी जातो. दार वाजवतो बायको दार उघडते … आणि विचारते …
एवढा का उशीर ?
तो देतो बायकोला एक कानाखाली .. आणि म्हणतो मी की गोट्या खेळतो का ऑफीस मध्ये ? … काम असतात मला …. डोक नको फिरवू… चल जेवायला वाढ.
आता बायको पिसाळते … काहीही केले नसताना कानाखाली खाल्ली … ती आपली किचन मध्ये जाते आणि पोरग आपलं मध्ये मध्ये येत असत म्हणून ती पोराला बदा-बदा मारती. तिने राग काढला पोरावर….
आता पोरग काय करणार ?
ते आपलं चाचपडत घरा बाहेर जात , एक दगड उचलत आणि पुढे एक कुत्र असते त्याला जोरात दगड मारत !!
मित्रानो तेच ते सकाळच कुत्र !!!
त्याला दगड लागणारच होता फ़क़्त उद्योगपती कडून न लागता त्या पोराकडून लागला. त्याचे सर्कल कंपलिट झाले.
त्यामुळे काळजी करू नका तुमाला कोणीही चावू दे, त्याला दगड लागणार….. नक्की लागणार.

StumpleUpon Ma.gnolia DiggIt! Del.icio.us Blinklist Yahoo Furl Technorati Simpy Spurl Reddit Google Twitter

Labels:

चारोळी

Friday, September 04, 2015 / Posted by piyush tayade / comments (0)

चारोळी

StumpleUpon Ma.gnolia DiggIt! Del.icio.us Blinklist Yahoo Furl Technorati Simpy Spurl Reddit Google Twitter

Labels: ,

मी मोठा...

Wednesday, September 02, 2015 / Posted by piyush tayade / comments (0)

मी मोठा...

StumpleUpon Ma.gnolia DiggIt! Del.icio.us Blinklist Yahoo Furl Technorati Simpy Spurl Reddit Google Twitter

Labels:
^ Scroll to Top